Joriy yilning noyabr oyida jamoat transporti yo‘lovchilari ATTO’ning faoliyati tufayli rekord darajadagi 12 milliard so‘m mablag‘ni tejashga muvaffaq bo‘ldi.

ATTO to‘lov tizimlari, banklar va to‘lov tashkilotlari bilan hamkorlikdagi dasturlarni muvofiqlashtiruvchi asosiy platforma sifatida yo‘lovchilar xarajatlarini kamaytirish va raqamli to‘lovlarni soddalashtirishga qaratilgan tashabbuslarni amalga oshirmoqda.

Joriy yil noyabr oyi bo‘yicha asosiy ko‘rsatkichlar:

• Bank kartalari va mobil ilovalar orqali to‘lovlarda chegirmalar va keshbeklar yordamida 9,4 million safar amalga oshirildi.
• ATTO tomonidan tashabbus qilingan dasturlar doirasida erishilgan tejamkorlik 8,2 milliard so‘mni tashkil etdi. Ushbu mablag‘lar chegirmalar va bonuslar ko‘rinishida yo‘lovchilarga qaytarildi.
• 3,7 milliard so‘m — ATTO tizimida joriy etilgan almashinuv tariflari hisobiga erishilgan qo‘shimcha tejamkorlik.

ATTO har bir safar nafaqat qulay, balki imkon qadar foydali bo‘lishi uchun o‘z faoliyatini izchil davom ettirmoqda.