2024 yil 19 noyabrda, Filippinning Sebu shahrida «O-City: Journey into the Multimodal» xalqaro anjumani boʻlib oʻtdi. Ushbu anjuman 20 dan ortiq mamlakatdan kelgan aqlli shaharlar uchun zamonaviy texnologik echimlar sohasidagi etakchi mutaxassislar va innovatorlarni birlashtirdi.

Tadbir davomida CBT (card based ticketing – karta asosidagi jamoat transportida toʻlov tizimi) dan ABT (account based ticketing – foydalanuvchining shaxsiy hisobi asosidagi jamoat transportida toʻlov tizimi) tizimiga oʻtish kabi muhim mavzular muhokama qilindi va transport operatorlari, xizmat koʻrsatuvchi provayderlar va mobil transport sohasini raqamlashtirish jarayoniga jalb qilingan fintech kompaniyalari oʻrtasida ilgʻor tajriba almashildi.

Tadbirda «ATTO» kompaniyasining hammuassisi Timur Azadov «Transportdagi toʻlov tizimlari operatorlarining kelajagi» mavzusida ma'ruza qildi. Kompaniya vakili auditoriya bilan tahliliy ma'lumotlar, zamonaviy texnologik echimlar va «ATTO» kompaniyasining kelajakka oid qarashlari bilan boʻlishdi. Ayniqsa, transportda chegaraoro toʻlovlar konsepsiyasiga alohida e'tibor qaratildi, bunda ABT echimlari ekotizimning ajralmas qismiga aylanadi.

Shuningdek, 20 dan ortiq mamlakatda qoʻllaniladigan «openloop» (ochiq tizim) yechimning muvaffaqiyati ta'kidlandi. Bu transport sohasida toʻlovlarni boshqarish uchun universal va moslashuvchan tizimlarga boʻlgan global talabni koʻrsatadi.

«O-City: Journey into the Multimodal» konferensiyasi ishtirokchilar oʻrtasida samarali gʻoyalar almashinuvi va hamkorlik uchun yangi imkoniyatlarni ochish uchun platforma yaratdi. Ushbu tadbir transport infratuzilmasidan foydalanish samaradorligi va qulayligini oshirish uchun innovasion yondashuvlarni integrasiyalash zarurligini ta'kidladi.