ATTO ilovasi faoliyatiga oid xabarlar tarqalayotgani munosabati bilan ayrim jihatlarga aniqlik kiritmoqchimiz.

To‘lovlar xavfsizligini ta’minlash maqsadida ATTO’da bitta akkauntdan bir vaqtning o‘zida faqat bitta qurilmada foydalanish mumkin. Agar ayni akkauntga boshqa qurilmadan kirilsa, avvalgi qurilmada akkauntdan avtomatik ravishda chiqiladi. Bu akkauntni himoya qilish va to‘lov operatsiyalarining to‘g‘ri amalga oshirilishini ta’minlashga yordam beradi.

To‘lov haqidagi ma’lumotlarning yangilanishi va bildirishnomalarning kelish tezligiga internet aloqasining barqarorligi ta’sir qilishi mumkin. Biroq kechikish sababini har bir holatda alohida tekshirish lozim.

Ilova ishlashida nosozlik yuzaga kelsa yoki to‘lov bo‘yicha savollaringiz bo‘lsa, ATTO qo‘llab-quvvatlash xizmatiga murojaat qiling: +998 78 140 08 08. Mutaxassislarimiz aynan sizning operatsiyangizni tekshirib, murojaatingiz bo‘yicha ma’lumot beradi.

Biz foydalanuvchilarning murojaatlariga e’tibor bilan yondashamiz va ATTO ilovasi barqaror hamda foydalanish uchun qulay bo‘lishi ustida ishlashda davom etamiz.