«Avtomatlashtirilgan transport to‘lov tizimi operatori» AJ (ATTO) — ICT Week Uzbekistan 2025 laureati
ICT Week Uzbekistan 2025 doirasida davlat xizmatlari, iqtisodiyot va ijtimoiy hayotda raqamli transformatsiyaga sezilarli hissa qo‘shgan kompaniyalar taqdirlandi. Shular qatorida «Avtomatlashtirilgan transport to‘lov tizimi operatori» AJ (ATTO) «Jamoat transporti xizmatlarini raqamlashtirishga katta hissa qo‘shgan kompaniya» nominatsiyasida laureat deb topildi.
Mazkur mukofot ATTO tomonidan yo‘lga qo‘yilgan integrallashgan to‘lov va axborot yechimlarining muvaffaqiyatli amalga oshirilganini e’tirof etadi. Ushbu raqamli vositalar nafaqat yo‘l haqi to‘lovini soddalashtirdi, balki hisob-kitoblarning shaffofligini oshirish va yo‘lovchilarga xizmat ko‘rsatishni yaxshilashga xizmat qildi. Bundan tashqari, transport operatorlari uchun jarayonlarni optimallashtirishga ham katta yordam berdi.
Batafsil: https://egov.uz/