ATTO o‘z platformasi imkoniyatlarini kengaytirishda davom etmoqda. Endilikda ATTO mobil ilovasi foydalanuvchilari Toshkent shahrida, shuningdek, Namangan va Navoiy viloyatlarida avtoturargoh to‘lovini yanada qulay va oson amalga oshirishlari mumkin.

Ilovada kartani ulab qo‘yish orqali avtoturargoh uchun to‘lov jarayoni maksimal darajada oddiy va tushunarli bo‘ldi.

Mavjud avtoturargohlar:

• Toshkent shahri I. Karimov nomidagi xalqaro aeroporti (uchish zonasi, kelish zonasi, STK Aero, TAS Parking Lot, NAK Uchish majmuasi, Aeroport Toshkent ruxsatnomalar byurosi, Terminal 3)
• Toshkent bo‘yicha avtoturargohlar (Brocolli Park, YT Integro, CA Store, Modera Towers, Platform BM)
• Toshkent shahridagi Korzinka filiallari (Turkman, Abay, S. Azimov)
• Namangan shahrida avtoturargoh (Sardoba bozor)
• Navoiy shahrida avtoturargoh (Saxovat bozor)

ATTO sizning hayotingizni yanada qulay va oson qilish uchun xizmat sifatini doimiy ravishda yaxshilab, yangi imkoniyatlarni taqdim etishda davom etadi.

ATTO ilovasi orqali avtoturargohlar uchun to‘lov mexanikasi:

1. Yangi foydalanuvchilar uchun:

• ATTO ilovasida ro‘yxatdan o‘tish: ATTO ilovasini yuklab oling va ro‘yxatdan o‘ting.
• To‘lov kartasini bog‘lash: Foydalanuvchi o‘z bank kartasini ATTO akkauntiga bog‘laydi. To‘lov funksiyasini faollashtirish uchun kartani bog‘langanini tasdiqlash talab etiladi.

Barcha foydalanuvchilar uchun:

• Avtomobil qo‘shish: ATTO ilovasida o‘z avtomobilingiz haqidagi ma’lumotlarni kiriting.

2. To‘xtash joyiga kirish:

• Davlat raqamini avtomatik aniqlash: ATTO tizimiga ulangan avtoturargohga kirishda, kirish shlagbaumidagi kamera avtomobilning davlat raqamini avtomatik tarzda aniqlaydi.
• Shlagbaumning ochilishi: Avtomobil davlat raqami muvaffaqiyatli aniqlansa va avtomobil ATTO tizimida ro‘yxatdan o‘tgan bo‘lsa, shlagbaum avtomatik ravishda ochiladi va avtomobil avtoturargohga kiradi.
• Tarif hisoblashni boshlash: Tizim avtomobil kirgan paytdan boshlab soatbay to‘lov hisobini avtomatik tarzda boshlaydi.

3. Avtoturargohdan chiqish:

• Davlat raqamini avtomatik aniqlash: Chiqishdagi shlagbaum oldiga kelganda, kamera yana avtomobil raqamini aniqlaydi. Ilovaga to‘xtash sessiyasi yakunlangani haqida xabar yuboriladi.
• To‘lov summasini hisoblash: Tizim belgilangan tarif asosida to‘xtash vaqtini avtomatik hisoblaydi.
• Shlagbaumning ochilishi: Avtoturargohdan chiqishdan oldin ATTO ilovasida to‘lovni amalga oshirish zarur. Mablag‘ yechilgach, shlagbaum avtomatik tarzda ochiladi va avtomobil hududni tark etadi.