Shahardagi mikroqatnovlar: IZZY elektrosamokatlari endi ATTOda!
ATTO mobil ilovasining “Mikrotransport” bo‘limida foydalanuvchilarga yangi imkoniyat taqdim etildi — endilikda Toshkent ko‘chalarida harakatlanish yanada qulay va samarali bo‘ladi. Endi har bir foydalanuvchi IZZY elektrosamokatlarini osonlik bilan ijaraga olishi mumkin. Ushbu zamonaviy mikroqatnovlar vositasi jamoat transporti tizimini to‘ldirib, muhim vazifani hal qiladi — foydalanuvchilarga jamoat transporti bekatigacha yoki bekatdan manzilgacha tez va oson yetib borish imkonini beradi.
Yangi xizmatning asosiy afzalliklari — qulaylik va tejamkorlik. Ijara narxi atigi 1700 so‘mni tashkil etadi (birinchi 7 daqiqa uchun), bu esa sayohatni iqtisodiy jihatdan jozibador qiladi. Avtobus yoki metro narxida tezlik va manevr qulayligini qo‘lga kiritish mumkin — bu esa manzilga tezroq yetib borishni anglatadi.
ATTO va IZZY hamkorligi mikroqatnovlar infratuzilmasini rivojlantirishga, faol turmush tarzini qo‘llab-quvvatlashga va ekologik toza harakatlanish usullarini kengaytirishga qaratilgan sa’y-harakatlarimizni namoyish etadi.
ATTO foydalanuvchilarning kundalik hayotini yanada qulay va samarali qilish uchun mobil servislar ekotizimini faol rivojlantirib bormoqda.