Fintex va transport: ATTO bozor ishtirokchilarini "Jamoat transportini raqamlashtirish va rivojlantirish istiqbollari" mavzusidagi tarmoq konferensiyasida birlashtirdi.
2025 yil 15 aprelda Toshkentdagi InterContinental mehmonxonasida ATTO kompaniyasi tomonidan tashkil etilgan "5 yil birga" nomli birinchi tarmoq konferensiyasi boʻlib oʻtdi
Tadbir Oʻzbekistonning transport infratuzilmasini rivojlantirishning dolzarb masalalari va istiqbollarini muhokama qilish uchun 130 dan ortiq bank, toʻlov tashkiloti, transport kompaniyasi va davlat organlari vakillarini bir joyga toʻpladi.
Konferensiya transport tizimlarini raqamlashtirish sohasida tajriba va gʻoyalar almashish uchun noyob maydonga aylandi. Ishtirokchilarga kompaniyaning oʻtgan besh yildagi yutuqlari, shuningdek, kelajak uchun ambisioz rejalari taqdim etildi. ATTO asoschilaridan biri Timur Azadov, kompaniyaning ijrochi direktori Davron Shoyoqubov, shuningdek, BPC Group katta vise-prezidenti va aqlli shaharlar uchun ijtimoiy va infratuzilma echimlari departamenti rahbari Tohir Abduqadirov asosiy spikerlar qatorida boʻlishdi. Ular shahar harakatchanligini transformasiya qilishga yordam berayotgan joriy tendensiyalar va innovasiyalar haqida oʻz fikrlari bilan oʻrtoqlashdilar.
Soʻnggi bir necha yil davomida ATTO Oʻzbekistonning transport tizimlarini modernizasiya qilishda muhim rol oʻynab, shahar transportida naqd pulsiz toʻlovni faol ravishda ilgari surmoqda. ATTO echimlari mamlakatning eng yirik shaharlariga joriy etilib, naqd pulga bogʻliqlikni sezilarli darajada kamaytirdi. Kompaniya platformasi bank kartalari, QR-toʻlovlar va turli tashuvchilar bilan integrasiyani ta'minlovchi toʻliq ekotizimga aylandi.
Ishtirokchilar mintaqada raqamli infratuzilmani yanada barqaror rivojlantirish uchun bunday sheriklikning muhimligini ta'kidladilar. Konferensiya nafaqat ATTOning besh yillik muvaffaqiyatlarini koʻrsatib berdi, balki Oʻzbekistonda fintex va transport sektorlari oʻrtasidagi kelajakdagi hamkorlikning strategik yoʻnalishlarini ham belgilab berdi.