Форумда «ЯУПМ» МЧЖ стратегик ривожлантириш бўйича Бош директор ўринбосари Тимур Азадов «Ягона автоматлаштирилган электрон чипталар тизими – нақд пулсиз маданиятни ошириш драйвери» мавзусида маъруза қилди. У ўз нутқида, UZCARD тўлов тизимининг узоқ муддатли ютуқлари ва унинг нақд пулсиз тўлов тизимининг асоси сифатида, турли хил автоматлаштириш тизимларини ривожлантириш ва бирлаштириш бўйича кенг кўламли лойиҳаларда иштирок этиши ҳақида гапирди.

Шу тарзда UZCARD компаниясининг шўба корхонаси томонидан амалга оширилаётган жамоат транспортида нақд пулсиз тўлов тизимини ишга тушириш лойиҳаси Ўзбекистон Республикасида илғор технологияларни жорий этишда ютуқ бўлди. Ахир, транзакцияларни қайта ишлаш тезлиги ва ритейлда хизмат кўрсатиш нуқтаи назаридан жамоат транспортида нақд пулсиз тўлов усулларини амалга ошириш учун энг муҳим сегмент ҳисобланади.

"BPC Group" халқаро холдинг таркибига кирувчи "O-City" компанияси билан биргаликда ABT (Account based ticketing) технологиясига асосланган, автоматлаштирилган электрон чипталар тизими учун дастурий-аппарат комплекси ишлаб чиқилди. ABT-бу саёҳат учун тўловни амалга оширишда транспорт карталаридан ҳам, контактсиз банк карталаридан ҳам фойдаланишга имкон берувчи, фойдаланувчининг шахсий ҳисобварағига асосланган жамоат транспорти ва микротўловлар учун тўловнинг инновацион тизимидир. Контактсиз тўловлар соҳасидаги етакчи мутахассислар томонидан ишлаб чиқилган ушбу тизимнинг барча қулайликларини ҳисобга олган ҳолда, транспорт компанияларида ушбу тизимни жорий этишнинг хавфсизлиги ва тўғри схемасини ишлаб чиқишга алоҳида эътибор қаратилди ва инсон омилларининг иштирок этиш жараёни минималлаштирилди.

Тимур Азадов, форум меҳмонларини республика пойтахтида, Урганч, Қарши, Гулистон шаҳарларида транспорт қатновини тубдан оптималлаштириш, йўловчиларга хизмат кўрсатиш сифатини яхшилаш ва тиғиз соатларда ижтимоий кескинликни камайтириш имконини берган «ATTO»нинг бугунги натижалари билан таништирди, шунингдек, компаниянинг келажакдаги режалари билан ўртоқлашди. Шундай қилиб, компания автоматлаштирилган электрон чипталар тизими лойиҳасини Ўзбекистон Республикаси ҳудуди бўйлаб кенгайтиришни режалаштирмоқда. Лойиҳанинг кенгайиши нафақат география нуқтаи назаридан, балки транспортнинг янги турларини ҳам қамраб олиши кутилмоқда: бугунги кунда Транспорт вазирлиги мутахассислари билан биргаликда, тизимни темир йўл йўловчи ташиш сегменти билан бирлаштириш масаласи ишлаб чиқилмоқда. Бундан ташқари, ҳаво, темир йўл ва шаҳарлараро автобус транспорти сегментида электрон чипталарни сотиш бўйича ягона портал ишлаб чиқилмоқда.

Сўз якунида маърузачи узоқ тарихга эга бўлган тўлов тизимининг оператори сифатида UZCARD нақд пулсиз тўловларни янада кенг ривожлантириш ва Ўзбекистон Республикаси фуқароларининг ҳаётини фаровон қиладиган замонавий автоматлаштирилган тизимларни жорий этишга қаратилган саъй-ҳаракатларни давом эттиришини таъкидлади.

Asl maqola: https://uzcard.uz/uz/news/post/predstaviteli-uzcard-prinyali-uchastie-v-mezhdunarodnom-plas-forume-banki-i-riteyl-tsifrovaya-transformatsiya-i-vzaimodeystvie